முட்டை புளி குழம்பு

 

தக்காளி - ஒன்று
முட்டை - 2
புளி - எலுமிச்சை அளவு
உப்பு - தேவைக்கு
எண்ணெய் - தேவைக்கு
தூள் வகை:
மஞ்சள் பொடி - அரை தேக்கரண்டி
மல்லி பொடி - ஒரு தேக்கரண்டி
மிளகாய் பொடி - ஒரு தேக்கரண்டி
வறுத்து அரைக்க:
தேங்காய் துருவல் - அரை கப்
சீரகம் - ஒரு தேக்கரண்டி
சோம்பு - அரை தேக்கரண்டி
கடலை உளுத்தம் பருப்பு - தலா ஒரு தேக்கரண்டி
வர மிளகாய் - 4
மிளகு - ஒரு தேக்கரண்டி
கொத்தமல்லி - ஒரு தேக்கரண்டி
வெந்தயம் - அரை தேக்கரண்டி
பெருங்காயம் - ஒரு சிட்டிகை
தாளிக்க:
கடுகு - சிறிது
பச்சை மிளகாய் - 3
பெரிய வெங்காயம் - ஒன்று
கறிவேப்பிலை - சிறிது
பூண்டு - 6 பல்

	முதலில் தேவையான பொருட்களை எடுத்துக் கொள்ளவும். புளியை கரைத்துக் கொள்ளவும். வெங்காயம், தக்காளி, மிளகாயை நறுக்கிக் கொள்ளவும்.
	தேங்காயை தவிர மீதமுள்ள வறுத்து அரைக்க வேண்டிய பொருட்களை எண்ணெய் இல்லாமல் வறுத்து கொள்ளவும்.
	தேங்காயை எண்ணெய் இல்லாமல் தனியாக வறுத்து, மேலுள்ள வறுத்த மற்ற பொருட்களுடன் சேர்த்து அரைத்துக் கொள்ளவும்.
	கடாயில் எண்ணெய் ஊற்றி காய்ந்ததும் கடுகு, கறிவேப்பிலை, பூண்டு, வெங்காயம் மற்றும் பச்சை மிளகாயை சேர்த்து வதக்கவும்.
	பின்பு தக்காளியை சேர்த்து குழையும்படி வதக்கவும்.
	அரைத்து வைத்த விழுதை சேர்த்து தேவையான உப்பு சேர்க்கவும்.
	ஐந்து நிமிடம் கழித்து பொடி வகைகளை சேர்த்து கிளறவும்.
	பின்னர் புளிக்கரைசலை சேர்க்கவும்.
	நன்கு எண்ணெய் பிரிந்து குழம்பு ரெடி ஆனதும் முட்டையை உடைத்து ஊற்றவும். முட்டை வெந்து மேலே எழும்பி வரும். முட்டையை குழம்புடன் சேர்த்து நன்கு கலக்கவும்.
	சுவையான முட்டை புளி குழம்பு ரெடி.