பிங்கர் பிஷ்

 

நெய் மீன் - 5 துண்டு
மஞ்சள் தூள் - கால் தேக்கரண்டி
கார்ன் ப்ளார் - ஒரு தேக்கரண்டி
ப்ரெட் க்ரம்ப்ஸ் - தேவையானளவு
ஆயில் - பொரிப்பதற்கு தேவையான அளவு
மாவிற்கு:
காஷ்மீர் மிளகாய் தூள் - 1 1/2 தேக்கரண்டி
இஞ்சி பூண்டு விழுது - ஒரு தேக்கரண்டி
மிளகு தூள் - அரை தேக்கரண்டி
சாட் மசாலா - கால் தேக்கரண்டி
சீரக தூள் - கால் தேக்கரண்டி
கார்ன் ப்ளார் - 2 தேக்கரண்டி
அரிசி மாவு - ஒரு தேக்கரண்டி
மைதா மாவு - ஒரு தேக்கரண்டி
சோயா சாஸ் - கால் தேக்கரண்டி
முட்டை - ஒன்று
எலுமிச்சை சாறு - அரை தேக்கரண்டி
கேசரி பவுடர் - சிறிதளவு
உப்பு - தேவையானளவு

	மீனை நன்கு சுத்தம் செய்து மஞ்சள் தூள் உப்பு சேர்த்து இட்லி பாத்திரத்தில் வேக வைக்கவும். மீன் ஆறிய பிறகு முள் எல்லாம் நீக்கி விட்டு நன்றாக உதிர்த்து விடவும்.
	உதிர்த்த மீனில் கார்ன் ப்ளார் சேர்த்து மெதுவாக பிசையவும். பின் விரல் நீளத்திற்கு சிறு சிறுத் துண்டுகளாக உருட்டி வைக்கவும்.
	மாவிற்கு கூறிய பொருட்கள் அனைத்தையும் சேர்த்து கடைசியாக முட்டை சேர்த்து பஜ்ஜி மாவு பதத்திற்கு கரைக்கவும்.
	மீனை மாவில் முக்கி ப்ரெட் க்ரம்ப்ஸில் புரட்டி எடுத்து எண்ணெயில் பொரித்து எடுக்கவும்.
	சுவையான பிங்கர் பிஷ் ரெடி.