தக்காளி பொடிமாஸ்

 

தக்காளி - ஐந்து
தேங்காய் துருவல் - அரை கப்
மிளகாய் தூள் - அரை தேக்கரண்டி
மஞ்சள்தூள் - கால் தேக்கரண்டி
உப்பு - தேவைக்கு
பொட்டுக்கடலை - கால் கப்
கசகசா - ஒரு தேக்கரண்டி
சோம்பு - ஒரு தேக்கரண்டி
பெரிய வெங்காயம் - ஒன்று
பூண்டு - பத்து பல்
தாளிக்க:
பட்டை - மூன்று துண்டு
கிராம்பு - மூன்று
கறிவேப்பிலை - ஒரு கொத்து
எண்ணெய் - ஒரு குழிக்கரண்டி (தேவைக்கு)

	தக்காளி, வெங்காயம் பூண்டு ஆகியவற்றை பொடியாக நறுக்கவும்.
	வாணலியில் பொட்டுக்கடலை, சோம்பு, கசகசா போட்டு வாட்டி மிக்ஸியில் பொடிக்கவும்.
	வாணலியில் எண்ணெய் ஊற்றி காய்ந்ததும் பட்டை, கிராம்பு தாளித்து அதோடு வெங்காயம், பூண்டு, கறிவேப்பிலை சேர்த்து வதக்கவும்.
	அதில் தேங்காய் துருவலை சேர்த்து வதக்கவும்.
	வதங்கியதும் தக்காளி, உப்பு, மிளகாய்த்தூள், மஞ்சள்தூள் சேர்த்து தக்காளியின் ஈரம் சுண்டும் வரை வதக்கவும்.
	கடைசியாக பொட்டுக்கடலை பொடியை சேர்த்து பொல பொலவென்று வரும் வரை கிளறி இறக்கவும். பொடி சேர்த்ததும் வாணலியில் பிடிக்கும் அடிக்கடி கிளற வேண்டும்
	சுவையான தக்காளி பொடிமாஸ் தயார்.